Жаңалықтар

27 мамыр 2016
Мемлекет басшысы «Дженерал Электрик Ойл энд Газ» компаниясының бас атқарушы директоры Лорензо Симонеллимен Шетел инвесторлары кеңесі аясында кездесу өткізді
Астана қ., Тәуелсіздік сарайы

 

Кездесу барысында компанияның Қазақстандағы қызметінің өзекті мәселелері, сондай-ақ, жаңғырту саласындағы одан әрі ынтымақтастық пен  отандық локомотив құрылысын дамыту перспективалары талқыланды.

Мемлекет басшысы өзара ықпалдастық кезеңінде бірлескен жобалардың  тиімді жүзеге асқанын атап өтіп, Шетел инвесторлары кеңесінің кезекті отырысына қатысқаны үшін Л.Симонеллиге алғыс білдірді.

Нұрсұлтан Назарбаев Қазақстанның бұл компаниямен денсаулық сақтау ісіндегі табысты ынтымақтастығына да назар аударып, осы саладағы серіктесті кеңейтудің маңыздылығын атап өтті.

Л.Симонелли Қазақстан Президентіне қабылдауы үшін алғыс айтып, құрылып жатқан «Астана» халықаралық қаржы орталығы аясында белгіленген жоспарлардың тиімді жүзеге асырылуына тілектестігін білдірді. 


Барлық жаңалықтар
 
Другие события рубрики Астана – Казахстан
Все события рубрики Астана – Казахстан